Banner

عقل اونفس

04.07.2010 11:34

 له موږڅخه هرڅوک هره ورځ وايي :- ماله خپل ځان سره وويل ،ياماته مي عقل دغه مشوره راکړه ،دغه تاسواوستاسوعقل ياتاسواوستاسونفس دوه بېل بېل څيزونه دي .

ليکن څه شی دي؟ ددوئ تعين اووضاحت څه شی دی ؟داخبره هيڅکله روښانه کېدلای نشي له دغه ځايه ده چې اوس زه هم ستاسومخ ته يونامعلوم شی په دې ډول نشم وړاندي کولای چې هغه په پوره توګه تاسوته ښکاره شي ــ البته له يوه مثال څخه يې دوضاحت هڅه کوم .

دژمي موسم دی تاسوپه نرمه ګرمه بستره کي له خواږه خوبه خوند اخلئ ناڅاپه دآذان غږراځي اوتاسوته دلمانځه له پاره دپاڅېدوبلنه درکوي ، آياپه دې وخت کي تاسوپه خپل ځان کي چاته داويل نه احساسوئ چې ( پاڅه لمانځه ته لاړشه ..! ) ؟

اوکله چې تاسوپاڅېږئ نويوبل داسي غږبه محسوسوئ چې ( يوڅه وخت ويده شه ...! )

بيابه لومړی غږواورئ چې وايي ( لمونځ له خوبه ښه دي  )

خوناڅاپه دوهم غږراځي او وايي ( خوب خوندوردی،وس خوډېروخت پاتي ده،يوڅوملټه نورپرېوتل هيڅ ګناه نلري )

داسي به دادواړه غږونه ياخيال يوپه بل پسې په دې ډول راځي لکه کړۍ ( ساعت )چې ټک ټک اوازکوي ويده شه ـ پاڅه ـ ويده شه ـ پاڅه ،ښکاره خبره ده چې کوم غږدپاڅېدومشوره درکوي هغه عقل دی ، اودابل يې چې خوب ته دي هڅوي نفس دی .

دايوعام مثال دی په بې شمېره ځايونواوپه زروصورتونوکي راوړاندي کېږي،هروخت چې دنارواحظ اولذت موقع په چاراځي نفس يې په هغه باندي دحملې کولوته اماده کوي اوکه په هغه کې دايمان لږڅه بوی موجودوي نوعقل ورته دځان ترې ساتلومشوره ورکوي اوڅومره چې ايمان مضبوط وي  عقل ته هم په هغه اندازه کاميابي حاصلېږي .

ددې معنی دانه ده چې عقل همېشه کاميابېږي اوداچې يومسلمان هيڅکله ګناه ته نه نژدې کېږي،اسلام يوحقيقت پسنده اوفطري مذهب دی اودايوحقيقت دی چې الله جل جلاله يومخلوق يواځي دخپل عبادت اواطاعت له پاره پيداکړی دی اوهغه ملا ئکي دي اوله انسان څخه يې ملايکه نه کړه جوړه ، دغه راز الله جل جلاله يومخلوق دګناه اوسرکشي له پاره پيداکړی دی هغه شيطانان دي اوله

انسانانوڅخه يې شيطان هم نه دی جوړکړی ، بياهغه جل جلاله يوداسي مخلوق پيداکړی ده چې عقل يې ندی ورکړی بلکه يواځي فطرت يې پرې لورولی ده نه په هغوئ څه فرض کېږي اونه به ترې ځواب اخستل کېږي،داحيوانات دي، اوله انسانانوڅخه الله جل جلاله مطلق حيوانان هم نه دي جوړکړي ، بياانسانان څه شی دي ؟ راځئ چې ويې پېژنو

دانسان حقيقت

 

انسان هغه مخلوق دی چې له ټولومخلوقاتوممتازاومنفرددی ،په هغه کي ترڅه بريده دملا ئکواوصاف شتون لري اوتريوې اندازې پکې دشيطان شيطنت موجوددی،دغه رازدحيواناتوحيوانيت اووحشت اوبهيمت يوڅه حصه هم دده په جوړښت کي شمول لري .

که چېرته انسان په عبادت اورياضت مشغول شي اوپه خوراخشوع اوخضوع له خپل رب سره زړه ولګوي اوزړه يې له نفساني ککړتياووپه داسي توګه پاک شي چې دحسن مطلق جلوه پکي انعکاس وکړي اودی دايمان خوندوڅکي نوپه داسي حالت کي په انسان باندي ملکي صفات غلبه کوي اوملا ئکوته ورته کېږي دهغوئ ځانګړنه داده چې هيڅکله هم دخپل رب نافرماني نه کوي اوکوم حکم چې ورته وشي دستي يې په ځای کوي .

اوکه چېرته دانسان شهوت نفساني په جوش راشي اوهغه جنسي جذبې پرې غالبه شي چې له امله يې دده ويني خلاصي شي په رګونوکي يې په تېزي سره په منډوشي اوپه ذهن کي يې دامېدونواوخواهشاتوتوپان سرکشي وکړي نودهرحرام کارکولوته به يې تلوسه شي،هرناپاک شی به ورته پاک اونظيف ښکاري،عجيبه اونااشنا غيرطبعي اوغيرفطري منصوبې به سوچوي،په دې صورت کي به پرې شيطاني کيفيت غالبه وي اوکه غصّه يې زياته شي،اعصاب يې ناآرامه شي،وينه يې په جوش راشي،دبدن بندونه يې سخت شي،اودغه يې يواځينۍ هيله پاتي شي چې خپل دوښمن ونيسي اواندام اندام يې کړي،په غاښونويې وشکوي اوپه نوکانويې شوګاري کړي،په غاړه يې ګوتي راتاوکړي اوسايې وربنده کړي،اوښه يې په عذاب اوټوټه ټوټه کړي نوپه داسي حالت کي به په انسان دوحشت اوحيوانيت صفت غالبه شوی وي په ده اوپړانګ کي به څه زيات فرق نه وي پاتي شوی .

اوکه دتندي اولوږي له سختي څخه په تنګ اوخواهش اوارزويې يواځي داوي چې يوه مړۍ پيداشي ترڅوخپل نس پرې ډک کړي يا اوبه ورته پيداشي چې خپله تنده پرې ټيټه کړي نوپه داسي صورت کي به په انسان دحيواناتوصفت غالبه شوی وي اوآس اووزې ياکوم بل حيوان ته ورته کېږي .

دادانسان حقيقت دی .

احسانالله 07.07.2010 09:08

deer pa zara poree malomat de lakalee wal allah pak de lata sara sha wakaree.dasee malomat chee insan bayad insanyat ta rajazaf karee.ka mong wagoro nan saba insan kho dee lekin da lekin da insan pa raqam bandee karoona na kawee laka da yow haywan pa rakam bandee weee.zaba nan yow shee darta wawayam chee nan saba da jonee chee dee da jonee na dee balkee sheetan dee doeee ta chee wagoree haga karona chee doee kawee yawa jona yee naka wee.za toll haga pakee jonee na shayam chee da allah pa lar barabaree deee.awal dee allah mata da nekee hadaya wakaree bia noro ta.amin

امین الله سلار زی 04.07.2010 15:50

grana aou mehrabana warora khday de pa qlam brakat kra zah 17 klan zwan ee chi pa Holand{nederland{ ke jwand komwllah dalta khalk shrab aou dase nor der bad karona kawe kho da waqeghat de chi sok lag EMAN boe wolare no de hamesh lapara ba de GHAQAL man aou naps ta ba da wakht na war kawe chi da komo ghlato laro ta wara wee kho zah der zyat khwakh eem chi da PANA me wolostala aou nor maghlomat me ham tar lasa kral grana zah hela kom chi mong ta de islam aou insanit aou dase norr chi de insanet pa ara khe khe khbare wee ra wasta wee no dera zyata mehrabane ba mo we <br /><br />aminullah slarzay holan

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.
free counters